﻿Zabur 73
KAKALI MOZO-VOZO OKU DIKAU

(Pemimpin)
I Kinoringan dino banalko avasi sid ulun dot Israil

(Jemaat)
Om sid ulun dit osusi i ginavo dau.

(Pemimpin)
Topot ioku diti, ogos-ogos ong kasadu i-hakod-ku

(Jemaat)
Om ogos-ogos-po ong kokinsal iti rampam-ku.

(Pemimpin)
Tu oruol I ginavo-ku dit osiratan-ku I kosinangani dit ulun dot osumbung.

(Jemaat)
Ohijau om olomu iosido, sabap amu opionong do kosusaan do iadko it ulun vokon. 

(Pemimpin)
Om amu opipogos do iadko it ulun vokon.

(Jemaat)
Ipokindazou dioti j kosumbungo dau

(Pemimpin)
Iringgal-no i gama momogos do koruhang.

(Jemaat)
I korusuko dioti dino kapalid sid kasalaan.

(Pemimpin)
Om i karaatan do ginavo dioti iadko lampai do linusuvon.

(Jemaat)
Mongusiba om.momudali om momuruvak om mongindorosi ioti dit ongoulun dot. oholian banal

(Pemimpin)
Pokitatalanan dioti it avan

(Jemaat)
Om tilaan dioti i putanaon.

(Pemimpin)
Sabap ino, i kogumuai dot ulun iadko murulun o vaig momozo dit ulun dot araat.

(Jemaat)
Boros dit osumbung, Siombo ot elaan do Kinoringan ino? ka, om,

(Pemimpin)
Okonko pioontupat di banalko asavat iti? ka.

(Jemaat)
Iadno dino it ongoulun dot araat

(Pemimpin)
Lumundu-no ioti om osinang-no sitid pomogunan.

(Jemaat)
Bang iadino, porosuma i gamo-ku monusi di ginavo-ka?

(Pemimpin)
Om momoug dit uhomon-ku sid kabanaran?

(Jemaat)
Tu konoruvo-nopo dot adau, nga onong-oku do kapagasan

(Pemimpin)
Om suvab-suvab-no dot osusa-oku.

(Jemaat)
Ogos-.ogos-po ong ioku nga kopomoros do iadino,

(Pemimpin)
Nga kopongimpulong-oku di ranzat dit anganak-Nu o Kinoringan.

(Jemaat)
Topot banalko nangangaban-oku di hiza di tipangaharati-oku dara

(Pemimpin)
Sampai sinumuvang-oku sid valai do Kinoringan do mongontupat di kosungguvo dioti. Nelaan-ku-no dot,

(Jemaat)
Ikau-no pinentoron dioti sid pansung dit aralamou

(Pemimpin)
Om Ikau-no o momulid dioti sid kobinasaan.

(Jemaat)
It ongoulun dlino tigogi orungoi

(Pemimpin)
Om sokoviai tigogi avi dot obinasa.

(Jemaat)
Mad minonginipi di mad tinumanusi o hinondom, Tu noposik-po, nolingan-no kavi.

(Pemimpin)
Kodungko himbok it oruol i ginavo-ku. Iadnoko vuvundukon

(Jemaat)
Om iadko lovong om bobou-oku

(Pemimpin)
Om i kobuatano-ku nga iadnoko du pot sid tinoguvangon-Nu

(Jemaat)
Topot kakali do mozo-vozo-oku-nopo Dikau

(Pemimpin)
Om Ikau nga kovidan-Nu-i i palad-ku do vanan.

(Jemaat)
Ikau-no i monunda dohon

(Pemimpin)
Om sid kopupusan-po torimaon-oku-no Dikau sid kohormatan

(Jemaat)
Ong nokovozo-ko-no dohon, amu oku-no mindamo do nunu nopo sitid pomogunan sampai sid surga.

(Pemimpin)
Tu mulongko atanus I guvas om i ginavo-ku

(Jemaat)
Kakali dot Ikau-no o monginsasamod dohon

(Pemimpin)
Om Ikau-no o tungkusan-ku sampai penlaid, o Kinoringan.

(Jemaat)
Na isai-nopo i mogidu antad sid Dikau, ino-no o tumanus.

(Pemimpin)
Om tonuson-Nu kavi it ongoulun di tumolikud sid Dikau.

(Jemaat)
Topot ong ioku, ozi-oku tumopiri sid Dikau.

(Semua)
Humarap-oku sid dikau, o Tuhan Kinoringan, om koronu-ku-ogi nongogama-Nu.

